Mae'r datganiad hwn yn cwmpasu'r gwasanaethau y mae Tîm Cynghori Ariannol Myfyrwyr Prifysgol De Cymru yn eu cynnig i gleientiaid a all ofyn am gymorth ynghylch materion ariannol sy'n ymwneud â'u hastudiaeth.

Y prif wasanaethau yw:

• gwasanaeth gwybodaeth a chyngor i ystod eang o fyfyrwyr gan gynnwys israddedigion ac ôl-raddedigion amser llawn a rhan-amser
  
• cyngor ar bob agwedd ar gymhwyster ar gyfer cymorth cyllid myfyrwyr, gan gynnwys ffioedd dysgu, benthyciadau myfyrwyr, grantiau, lwfansau ychwanegol, bwrsariaethau'r GIG a dyfarniadau dewisol
• cyngor a chymorth gyda cheisiadau i Gronfa Cymorth Myfyrwyr y Brifysgol a chynlluniau cysylltiedig
• cyngor ar gyllidebu, ffynonellau cymorth ariannol ychwanegol, a chyngor sylfaenol ar fudd-daliadau
• cyngor ar oblygiadau ariannol newid / gadael cwrs, ac ailadrodd blynyddoedd astudio
• taliadau a gweinyddiaeth y rhan fwyaf o ysgoloriaethau'r Brifysgol.

Sylwer nad yw Cynghorwyr Arian a Chymorth yn gallu rhoi cyngor cyfreithiol ar fanteision ac anfanteision cynhyrchion ariannol a gynigir gan fenthycwyr preifat unigol.